PILIPINO , iniinis mo ako.

Halalan 2010 ngayong araw na ito. Napakaraming balita sa telebisyon na patayan, ambush, barilan at kung ano ano pa. Saksi ako, sa bilihan ng boto. Dahil pati pamilya ko binenta ang kanilang boto na para sa kanila ay "bigay" lang bilang pasasalamat sa kanilang suporta.

NAIINIS AKO na bakit mo iboboto ang ganitong kandiato kung bago pa lang ng eleksyon ay alam mo nang gumagawa sya ng masama? Paano pa kaya pag nasa pwesto na siya?

NAIINIS AKO, dahil bakit tayong mga Pilipino ay hindi nalang ipaubaya sa tao ang desisyon? Talagang gagawa ng paraan para manalo, kahit mandaya at bumuli ng boto gagawin.

 NAIINIS AKO sa crab mentality ng mga pilipino. Hinihila ang mga nakatataas pababa at gusto laging nasa taas.

NAIINIS AKO sa mga taong pumapatay, nag uutos na pumatay para sa sarili nilang interes.

NAIINIS AKO sa mga lider na hindi marunong dumisiplina sa mga mamamayan ng bansa ngunit HIGIT NA

NAIINIS AKO sa mga mamamayan na hindi kayang disiplinahin ang kanilang mga sarili at hindi kayang maging tapat sa kanilang bansa at sa kanilang kapwa pilipino.

Umaasa parin ako na katulad ng ibang bansa sa Asya na magiging maayos at mayaman ang ating bansa. Sana tayong mga Pilipino, gumawa ng paraan at huwag iasa sa mga walang kwentang lider na nandaya para makarating sa kani-kanilang posisyon.

GUMISING KA, at makibahagi, kung tunay kang Pilipino at mahal mo ang iyong bansa, kung mahal mo ang magiging anak, apo, apo sa tuhod mo na gusto mo masilayan nila ang ganda ng PILIPINAS- ang bansa natin, pwes kumilos ka. Huwag kang puro da-da at reklamo dahil nakakarindi ka na! KUMILOS KA! KUMILOS NA! NGAYON NA! KUMILOS KA PILIPINO!